برنامج EagleGet البديل الاقوى ل Internet Download Manager

موضوع التحميل مهم جدا لكل السوفتجية وخصوصا فى الفترة الاخيرة
بسبب زيادة اعداد اجهزة المحمول وبالتالى زيادة اعداد الفلاشات 
وكمان الاجهزة الحديثة عموما احجام الفلاشات بتاعتها كبيرة جدا
والفيرجن الواحد بيعدى الواحد جيجا بكثير 
سواء فلاشات اندرويد او ايفون او غيرها من الاجهزة
وعشان كدة كلنا لازم يكون عندنا برنامج تحميل قوى وبيحمل بالسرعة القصوى
واهم حاجة انة يكون بيستكمل التحميل 
وطبعا كلنا شغالين ببرنامج انترنت داون لود مانجر 


وحاولنا نقدم حلول للمشاكل دى 
لكن برضو المشاكل مش بتخلص وبالاخص مشاكل التفعيل والرسالة المزعجة دى
 وطبعا بعد اعادة تثبيت البرنامج وتفعيل الباتش 
برضو المشكلة بترجع بعد فترة من الاستخدام وبيكون الموضوع خنيق
وعشان كدة جبتلكوا برنامج eagleget وهو برنامج جميل ومجانى
ويعتبر البديل الاقوى للانترنت داون لود مانجر
وفىة خصائص ومزايا كتير واهما انة بيدعم الاستكمال 
وكمان بتقدر تحمل بية فيديوهات اليوتيوب وجميع الفلاشات 
باقصى سرعة عندك 
وتقدر تحمل البرنامج من الموقع الرسمى من هنا eagleget


بعد التحميل هتثبت البرنامج بطريقة عادية 
وهتعمل اضافة للمتصفح بتاعك اللى بتستخدمة عشان تقدر تحمل كل الملفات
وكمان يظهرلك شريط التحميل فى اليوتيوب زى الدون لود مانجر
ولو مش عارف تتعامل معاة رغم سهولتة
احنا عملنالك شرح فيديو كامل لطريقة تثبيت البرنامج
واضافتة لمتصفحك وكمان التحميل من خلال eagleget
واستكمال التحميل 

خاتمة الموضوع

احنا بنحاول نسهل الامور على السوفتجية وكمان نحل مشاكل برامج التحميل
اللى كلنا بنحتاجها وبنستخدمها يوميا فى شغلنا 
وتقدر تجرب البرنامج وتقولنا رأيك بعد التجربة 
لو أستفدت من الشرح اشترك معانا فى قنواتنا على اليوتيوب عشان يوصلك كل جديد
وكمان تقدر تحمل تطبيق الاندرويد الخاص بالشروحات وتثبتة على موبايلك عشان تتابع كل جديد