شرح إصلاح البوت لهاتف سامسونج 2 SM-G7102 بدون بوكسات


يعتبر هاتف جراند 2 SM-G7102 من ارخم الهواتف والموبيلات اللى ممكن تتعامل معها 
فى عمليات السوفت وير المختلفة بسبب كثرة مشاكلة سواء تهنيج 
او توقف على الريكفرى فقط
او التوقف على لوجو سامسونج وكمان مشاكل الشبكة ولا توجد خدمة 
وانا بتكلم عن المشاكل اللى تخص السوفت وير فقط 
لان الموبايل دة برضو فىة مشاكل كتير فى الجزء المتعلق بالهارد وير 
وطبعا كعاة هواتف سامسونج ان ارخم مشكلة ممكن تواجهك هى مشكلة البوت
وموت الهاتف بعد التفليش مثلا Dead Boot
واكيد فى بوكسات جيتاج بتحل مشاكل البوت وبترجع الموبايل للحياة مرة اخرى
ولكن فى مدونة جوكر سوفت بنحاول بقدر المستطاع اننا نحل معظم المشاكل
بدون الحاجة الى بوكسات علشان #السوفتجية اللى مش عندهم بوكسات جيتاج
وفى الموضوع دة هنشرح طريقة ارجاع البوت لهاتف جراند 2 G7102
بدون بوكسات وبدون توصيلات فقط بملف Debrick  
ويتم كتابتة على بطاقة الذاكرة SD
وكنا شرحنا طريقة كتابة ملفات البوت SDC على بوكس التربو ATF
والجهاز دة لة ملفات SDC وتقدر تكتبها على بوكس التربو
 بالطريقة الموجودة فى الموضوع
لكن انهاردة هنشرح الطريقة بدون وجود بوكسات 


ملـــــــحوظة هــــــــامــــــة

هذة الطريقة قد لاتنجح مع جميع الاجهزة ولكن يمكنك المحاولة 
حتى لاتتسبب فى مشكلة لنفسك بعد فقد البوت نتيجة التفليش الخاطئ
خطوات العمل
1 - تأكد من شحن البطارية جيدأ قبل بدء العملية
2 - يجب توفر بطاقة ذاكرة ( ميمورى كارد ) لايقل عن 4G
3 - تحميل ملف الاصلاح SM-G7102_NG4_Unbrick.zip

4 - تحميل برنامج win32diskimager

5 - بعد تحميل الملف والبرنامج قم بفك الضغط عن الملف لينتج ملف Debrick.img
6 - قم بتثبيت برنامج win32diskimager على جهاز الكمبيوتر
7 - قم بعمل فورمات لبطاقة الذاكرة SD
8 - قم بتوصيل بطاقة SD فى الريد ثم توصيلة بالكمبيوتر
9 - قم بتشغيل برنامج win32diskimager واختيار ملف debrick.img
ثم كتابة الملف على كارت الميمورى ...وانتظر حتى انتهاء العملية
10 - الان قم باخراج SD من الريدر وادخالة فى الهاتف 
ثم الدخول لوضع الدون لود بالضغط على
خفض الصوت + الهوم + البور
11 - بعد ادخال الهاتف لوضع الدون لود قم بتفليش باحدث اصدار 
كيتكات 4.4.2 
والان تم حل المشكلة بنجاح

وفى الفيديو التالى شرح كامل من البداية للنهاية لطريقة كتابة ملف debrick
واصلاح البوت لجهاز جراند 2 g7102 بدون بوكسات


لو أستفدت من الشرح اشترك معانا فى قنواتنا على اليوتيوب عشان يوصلك كل جديد
وكمان تقدر تحمل تطبيق الاندرويد الخاص بالشروحات وتثبتة على موبايلك عشان تتابع كل جديد

ولو عندك مواضيع جديدة او حصرية وحابب تشاركها معانا

ابعتلنا موضوعك او مقالك او شرحك واحنا هنزلة فى المدونة باسمك وتوقيعك   

تعليقات



حجم الخط
+
16
-
تباعد السطور
+
2
-