إيه أحسن بوكس لاجهزة سامسونج ؟ ولو هشترى بوكس جديد تنصحنى بإية ؟

ليست هناك تعليقات

النهاردة هنتكلم عن موضوع يهم فنيين كتير شغالين فى مجال سوفت وير المحمول وخصوصأ المبتدئين
وهنجاوب عن بعض الاسئلة المهمه اللى شباب كتير بتسألها دايما
زى إية أفضل بوكس سوفت وير أقدر أشتغل بية ويلبى إحتياجاتى لاجهزة سامسونج ؟
وإية أشهر واهم البوكسات الخاصة بالتعامل مع أجهزة سامسونج ؟
وإية مميزات وعيوب كل بوكس فيهم ؟
وتنصحنى بإبة لو عايز أشترى بوكس علشان اشتغل بية سامسونج ؟

وإن شاء الله فى الحلقة دة هنحاول نجاوب على الاسئلة دى لكن الاول خلونا نجاوب على سؤال مهم 
لية بنحتاج البوكسات فى شغلنا مادام نقدر نفلش ونحدث من غيرها عادى  ؟
اهمية بوكسات السوفت وير تكمن فى عمليات الريبير والاصلاح مش عمليات التفليش
وعلشان كدة بندفع فيها فلوس كتير سواء فى شراء البوكسات او تفعيلها .
لان عمليات الريبير الاحترافية فى الاغلب مش هتقدر تعملها بدون بوكسات
زى عمليات فك الشفرة وحذف حسابات جوجل واصلاح وكتابة سيريالات جديدة للموبايل
وكمان كتابة ملفات الشبكه وملفات مهمه زى ملفات " NV ,QCN,CERT ,EFS
بالاضافه كمان إنك بدون بوكسات مش هتقدر تعمل نسخه إحتياطية للملفات دى
لو محتاج تسحبها من الموبايل وتحفظها على جهازك
وكمان اغلب البوكسات بيكون ليها سبورتات خاصة بالفلاشات وبتكون مجانية لمستخدمين البوكس
يعنى إحنا بنشترى البوكسات علشان نعالج مشاكل ونصلح عيوب ونفك شفرات ونكتب سيريالات
ومش علشان نفلش او نحدث الموبايل وخلاص ..
وكدة عرفنا فايدة البوكسات فى نبذة سريعه وعرفنا إحنا بنشتريها ونجدد تفعيلها لية  ؟
نرجع بقا للسؤال الاساسى بتاعنا ...إية أفضل بوكس سوفت وير لاجهزة سامسونج ؟
بالنسبه لاجهزة سامسونج تحديدا هتلاقى بوكسات كتير بتقدر تتعامل معاها 
سواء فى عمليات التفليش او الريبير
ومن اشهرهم والاكثر دعما وتخصصا فى اجهزة سامسونج
Z3X / Octopus / Chemira tool / bst /
بالاضافة لبوكسات تانية مش مخصصه لاجهزة سامسونج تحديدأ
 لكن وداعمه موديلات وفئات ومعالجات  تانية لكن  ليها واجهات بتدعم فيها 
عمليات واصلاحات لاجهزة سامسونج زى
NCK Box / INFINITY Box  /Miracle Box
لكن إحنا هنتكلم عن أهم واشهر  البوكسات اللى بتدعم أجهزة سامسونج تحديدأ
 وزى ما قولنا ان اشهرهم
Z3x / octopus / chemira  / bst dongle

وقبل ما نقرر إيه افضل بوكس فيهم اقدر اشتريه ويلبى إحتياجاتى
 لازم الاول نعرف عيوب ومميزات كل بوكس وادة فيهم
وفى الفيديو دة هنجاوب على كل الاسئلة وهنعرف مع بعض مميزات وعيوب كل بوكس فيهم

لو عجبتك الحلقة ممكن تشترك معانا فى قناه جوكر سوفت وتفعل زر التنبيهات
علشان توصلك إشعارات بكل الفيديوهات والحلقات والشروحات الجديدة
وممكن تقولولنا رأيكوا فى التعليقات عن تجاربكوا مع بوكسات سامسونج .

ليست هناك تعليقات

إرسال تعليق