U3F1ZWV6ZTIyNzUzMTgyNzcxX0FjdGl2YXRpb24yNTc3NjIxNjk3MDU=

شرح عمل جلبريك Checkra1n على أجهزة Windows PC لجميع إصدارات iOS

طريقة عمل جلبريك Checkra1n لجميع إصدارات IOS من نظام الويندوز وبدون ماك

كنا شرحنا طريقة عمل جيلبريك لاجهزة وموبيلات الايفون  بإستخدام برنامج Checkra1n  
وكمان شرحنا تخطى حسابات الايكلود لاجهزة ايفون بإستخدام برنامج  icloud bypass CA Tool
والشرح كان على انظمه MAC OS للشباب اللى عندهم أجهزة MAC 
او اللى مثبتين نسخه MACOS هاكنتوش على أجهزة PC او لابتوب عادية  بدون ماك
ومن اسبوع او 10 ايام تقريبأ كنت منزل بوست على صفحتى على فيس بوك بتكلم فية عن برامج تخطى الايكلود على ويندوز
وإن البرامج دى للتخطى فقط وملهاش علاقة بالجيلبريك وإن أضمن طريقة لعمل الجيلبريك بطريقة صحيحه
 بتكون على انظمه ماك MAC OS 

ومن ضمن الردود كان صديق عزيز بيتكلم معايا على طريقة عمل Jailbreak  على ويندوز وبعتلى فيديو على يوتيوب للطريقة

فطبعا قولت نجرب مع بعض الطريقة  دى وعى عمل جلبريك للايفون  بإستخدام checkn1x  للشباب اللى متعرفهاش
 ونشوف هل هتنجح وبالتالى مش هنحتاج أننا نستخدم أنظمه ماك تانى وهنشتغل على ويندوز
ولا هتفشل وهيكون فيها مشاكل ..وانا هشرحلكوا خطوات الطريقة دى للشباب اللى مبتحبش الفيديوهات الانجليزيه
ودة رابط الفيديو الاصلى للشباب اللى محتاجينه
والتجربة هتكون لعمل جلبريك لايفون iPhone 7 على ويندوز بدون ماك لاصدار ios 13.3.1 
ودة يعتبر أحدث إصدار ios متاح لحد تاريخ رفع الفيديو
وفى أخر الفيديو هقولكوا رأيي فى طريقة الجلبريك على أجهزة وأنظمه ويندوز 
والفرق بينها وبين الجيلبريك على أنظمه ماك من وجهه نظرى 

متطلبات عمل جلبريك Checkra1n على أجهزة وانظمه ويندوز PC

  1. - يجب شحن الايفون جيدأ قبل بدء عملية الجلبريك
  2. - يجب توفر كابل USB ويفضل أن يكون كابل أصلى
  3. - يجب توفر فلاش ميمورى USB Flash Drive لاتقل عن 4 جيجا او 8 جيجا

  4. - تحميل أحدث نسخه متوفرة من ملف الجلبريك Checkn1x  من الموقع الرسمى Download Checkn1x 

  5. - تحميل برنامج flash flawless من خلال الموقع الرسمى Download flash flawless

شرح طريقة جلبريك موبيلات ايفون على ويندوز لجميع إصدارات ios حتى إصدار ios 13.3.1

- بعد تحميل المتطلبات التى سنحتاجها فى عملية الجلبريك .. الان نحن جاهزةن لبدء عملية جلبريك iphone ios 13.3.1
وفى الفيديو التالى شرح كامل لجميع خطوات عمل جلبريك Checkra1n على ويندوز بخطوات سهلة وبسيطه
وطبعأ لو إنت اول مرة تشوف فيديوهاتنا يبقى إشترك معانا فى قناة جوكر سوفت  وفعل الجرس 
علشان توصلك تنبيهات بكل الفيديوهات الجديدة اول باول ... ويالا بينا نبدأ شرحنا

تجربة عمل Jailbreak لاصدارات iOS على WINDOWS PC بدون جهاز MAC

ودلوقتى هقلكوا رأيي و تجربتى لعمل الجيلبريك على نظام الماك وعلى ويندوز بالطريقة اللى شرحناها فى الفيديو
تجربتى لعمل الجيلبريك على انظمه الماك  Mac OS كانت دايمأ ناجحه وبدون اى مشاكل لحد دلوقتى 
لكن تجربتى لعمل الجيلبريك على أنظمه ويندوز بالطريقة اللى شرحناها كان فيها بعض المشاكل البسيطه 
واهم المشاكل دى إنك لما تعمل تخطى للايكلود iCLOUD Bypass  سواء على انظمه ماك او ويندوز هتحتاج تثبت السيديا
وهنا جت المشكله .. ولما حاولت اثبت السيدا ظهرلى بعض الاخطاء ومقدرش أكمل تثبيت السيديا
Cydia Error : check snapshot error code general

ودة ممكن يكون بسبب إن البرنامج مش داعم لسه  الاصدار اللى على الموبايل ios 13.3.1 ودة اعلى إصدار وقت عمل الشرح
وعلشان كدة حاول دايما إنك تحمل احدث إصدار متوفر من الجلبريك Checkra1n  علشان تضمن انه داعم إصدارات ios الجديدة
وكمان برنامج Checkra1n على الموقع الرسمى متاح فقط لانظمه الماك 
ولسه مطورين البرنامج شغالين على تطوير نسخه كامله لا انظمه ويندوز 

يعنى البرامج اللى بتشتغل على ويندوز زى Checkn1x  بتكون إجتهادات من مطورين تانيين غير مطورين البرنامج الاصلى
والمشكله التانية اللى ممكن تقابلك هى تشغيل البرنامج لان فى أجهزة كمبيوتر ومازربورد كتير مختلفة

وممكن يكون جهازك المازربورد بتاعته قديمه وميقبلش عملية البوت والدخول على الفلاش ميمورى والاقلاع منها.
وإختلاف ال BIOS لكل جهاز كمبيوتر INTEL - AMD - LEGACY - UEFI BIOS
لكن انا شخصيأ مقابلتش المشكله دى 
===========================
وطبعا مستنى تجاربكوا ورأيكوا فى الطريقة اللى شرحناها وهل نجحت معاكوا بدون مشاكل
وكمان قولولى كانت ناجحه على إصدارات ios كام ؟
وبكدة يكون شرحنا خلص وطبعأ لو إستفدت من الشرح متنساش تعمل لايك وتشترك فى قناة جوكر سوفت وتفعل الجرس 
علشان توصلك كل الفيديوهات والشروحات الجديدة

مواضيع هامه ننصحك بقرائتها





الاسمبريد إلكترونيرسالة