ماهو موقع EFTSU ؟
فى خلال اليومين اللى فاتوا أعلن فريق ايزى فيروموير عن موقع EFTSU.COM ودة موقع جديد خاص بملفات الروت لموبيلات سامسونج جلاكسى
باختلاف موديلاتها وإصدارت السوفت وير وإصدارات الحماية ونسخ الاندرويد الموجودة عليها
EFTsu Root Site is officialy started by Easy Team
EFTsu Root Site is officialy started by Easy Team
والموقع مجانى للجميع سواء لمستخدمين منتجات EFT زى EFT DONGLE PRO - EFT DONGLE - EFT FTP - Easy Firmware
موضوع قد يهمك : كل ما يخص EFT Dongle وشرح طريقة التثبيت والتفعيل وتشغيل البرنامج
او باقى المستخدمين والسوفتجية وفنيين السوفت وير اللى معندهمش اى منتجات لفريق إيزى فيروموير
وتقدر تحمل منه عدد غير محدود من ملفات الروت يعنى تقدر تحمل زى ما انت عايز بدون تقييدك بعدد ملفات محدد
وفى الموضوع دة هنوضح تفاصيل أكتر عن موقع EFTSU وإزاى تسجل فية وتحمل ملفات الروت لموبيلات سامسونج جلاكسى
وكمان إزاى تقدر تفلش ملفات EFT SU Root Files لاجهزة Samsung Galaxy وبعض التفاصيل التانية المهمه
شرح طريقة الدخول لموقع EFTSU وطريقة التسجيل فية
اول حاجه هنروح على موقع EFTSU.com ولما نفتح الموقع هيظهرلنا كل ملفات الروت لموبيلات سامسونج جلاكسى
واول حاجة هنعملها إننا نسجل عضوية جديدة فى الموقع علشان نقدر نحمل ملفات EFTSU Root... والتسجيل مجانى للجميع
ولو إنت كنت مسجل فية قبل كدة هتعمل تسجيل دخول لكن لو ملكش عضوية علية هتضغط على Register وهتكتب ايميلك
وتختار باسورد خاص بيك وبعدها هتضغط على Register وهيتم تسجيلك فى موقع EFTSU بخطوات سهله وسريعه
ودلوقتى بعد ما سجلنا فى الموقع .. تقدر تشوف كل ملفات الروت المتاحه على الموقع
وكمان تقدر تبحث عن موديل الموبايل اللى معاك من قايمه الموديلات الموجودة فى الموقع
طريقة تحميل ملفات الروت EFTSU Root ومعرفه تفاصيل وإصدار ملف الروت والحماية
بعد ما تختار اسم موديل موبايل Samsung هتظهرلك كل ملفات الروت الخاصة بموديل الموبايل اللى إخترته والمتاحه على الموقع
وهتظهرلك مجموعه ملفات روت لاصدارات سوفت وير وحمايات ونسخ اندرويد مختلفه
وكمان تقدر تبحث عن موديل الموبايل بتاعك بسرعه من صندوق البحث الموجود فى الموقع
وبرضو هتظهرلك كل ملفات EFTSU Root المتاحه للموبايل اللى معاك بإصدارات سوفت وير وحمايات وإصدارات ونسخ اندرويد مختلفه
وطبعا دى ميزة كويسة علشان تقدر تحمل ملف الروت المناسب لنفس إصدار الفلاشه والحماية ونسخة الاندرويد الموجودة على الموبايل اللى معاك
وفى ميزة تانية مهمه جدأ فى الموقع وهى إنك لو بحثت عن ملف روت لموديل سامسونج ومش موجود على الموقع
تقدر تبلغهم إن موبايلك مش مدعوم لما تضغط على " Your Device Is Not Supported "
وهتفتحلك نافذة جديدة .. هتكتب فيها موديل موبايل Samsung Galaxy اللى معاك وإصدارالسوفت وير اللى علية وهتضغط على " Request "
والطلب هيوصل لفريق Easy Firmware وهيوفرولك ملف الروت وهيرفعوة على الموقع فى اقرب وقت
ودى ميزة ممتازة للمستخدم وكمان للفريق علشان يرفع ملفات لموديلات وإصدارات سوفت وير وحمايات مختلفه ويكبر من قاعدة بيانات الموقع
طريقة تحميل ملفات EFT SU Root لاجهزة Samsung Galaxy New Phones
طيب لو بحثت عن موديل الموبايل اللى معاك وكان موجود ومدعوم فى الموقع زى Samsung Galaxy SM-A105F
هيظهرلك جمب موديل الموبايل إصدار السوفت وير الخاص بملف الروت و إصدار الحماية وكمان رقم نسخه الاندرويد الموجودة علية
والناحية التانية هتظهرلك 3 إختيارات واولها " Report " للتبليغ عن عطل فى الرابط او مشكله فى ملف الروت
ولما تضغط على " Report " هتفتحلك نافذة تانية تقدر تكتب فيها المشكله اللى واجهتك
سواء مشكله فى الرابط او الملف نفسة وبعدها هتضغط على " Submit " والتقرير هيوصل للفريق وهيحلوا المشكله فى اقرب وقت
والاختيار التانى " How to use " ودة هينقلك لصفحه تانية هتشرحلك إزاى تقدر تفلش ملف الروت اللى حملته
والخيار الاخير وهو " download " علشان تحمل ملف الروت وطبعأ التحميل مباشر وسريع بدون تحويلك لاى مواقع تحميل خارجية
وزى ما قولنا إن الموقع داعم Root لأغلب موبيلات سامسونج جلاكسى باصدارات سوفت وير وحمايات ونسخ اندرويد مختلفه وبالتالى هتلاقى عليه عدد كبير جدأ من ملفات الروت
طريقة تفليش ملف EFT-SU Root ؟
طيب دلوقتى بحثنا عن ملف الروت لنفس الموديل وإصدار السوفت وير والحماية اللى معانا .. إزاى بقى نقدر نفلشه للموبايل ؟
لما نطلع فى بداية الموقع هنلاقى رابطين تحميل رابط منهم لتحميل برنامج EFTSU Flash اللى من خلاله هنفلش ملف الروت
ورابط تانى لتطبيق EFTSU Manager ودة التطبيق الخاص بمنح صلاحيات الروت لاى تطبيقات او عمليات هتطلب صلاحيات الروت
زى تطبيقات supersu و superuser اللى بتلاقيها مثبته على موبيلات سامسونج بعد عمل روت سواء بملفات cf-auto root او باى طرق تانية
وتقدر تحمل EFTSU Manger App على موبايلك بعد عملية الروت من متجر جوجل بلاى ومتاح للتحميل مجانا ..
وبعدها تقدر تمنح صلاحيات الروت لاى تطبيق او عملية بتحتاج روت " EFTSU Root Permission "
و دلوقتى حملنا ملف الروت بتاعنا بنفس إصدار السوفت وير ونفس الحماية اللى إحنا محتاجينها .. وكمان نفس إصدار نسخه الاندرويد
وكمان حملنا برنامج EFTSU FlashTool اللى هنفلش بية ملف الروت لان ملفات الروت الموجودة على الموقع مش هتتفلش إلا بالبرنامج دة حصرأ
ومش هينفع تفلشها ببرنامج اودين او اى بوكس سوفت وير هنشغل برنامج EFT Flash
وهنضغط على Select File وهنختار ملف الروت اللى حملناة بس قبل ما نفلش ملف الروت فى بعض الحاجات لازم نعملها قبل عملية الروت
وبعض العمليات بعد عملية الروت وقبل عملية الروت لازم وضع الغاء قفل الشركه المصنعه oem unlock يكون متفعل على الموبايل
وتانى حاجة لازم كل الحمايات الموجودة على الموبايل تكون OFF زى حمايات FRP Lock و OEM lOCK و KG و حماية RMM
لان لو الحمايات شغاله ومتفعله الموبايل مش هيقبل ملفات الروت لكن لو الحمايات واقفه ومش مفعله زى ما قولنا .. هندخل الموبايل لوضع الدون لود
وبعدها هنضغط على Flash علشان يبدأ البرنامج فى كتابة ملف الروت للموبايل
حل مشكله التوقف على الافتتاحية Stuck On Logo بعد عمل روت EFT SU
طيب دلوقتى لو تم تفليش ملف الروت بنجاح والموبايل علق على الافتتاحية بدون ما يكمل تشغيل Stuck On Logo Only
هنروح لبعض الاصلاحات التانية اللى بعد عملية الروت علشان نحل المشكله
واول حاجه هندخل الموبايل لوضع الريكفرى وهنعمل ضبط مصنع كامل للموبايل Wipe Factory Reset من خلال وضع الريكفرى
وبعد إعادة الضبط هنعمل إعادة تشغيل للموبايل وهنستنى لما يشتغل وهنوصل Wifi
علشان خيار إلغاء قفل الشركه المصنعه oem unlock يظهر فى وضع التطوير ويتم تفعيله
وفى خطوة تانية مهمه ولازم نعملها فى حاله إنك عملت تشيك روت ولاقيت الموبايل لسه زى ما هو بدون روت " EFTSU No Root "
هتفعل وضع usb debbaging من قايمه إعدادات المطور وهتوصل الموبايل بالكابل تانى وإنت مشغل برنامج EFTSU Flash
وهتضغط على " Reboot adb device to root mode " وبعدها البرنامج هيعمل إعادة تشغيل للموبايل لوضع الريكفرى وهيتم حل المشكله
نجاح عمل روت بإستخدام EFTSU Root
ودلوقتى تقدر تعمل تشيك روت وتتأكد من نجاح عملية الروت " EFTSU Root Done "
وطبعأ انا بوضحلكوا كل حاجة عن الموقع وملفات الروت وإزاى تقدر تستخدمها بناء على تجارب فريق ايزى فيروموير وتحديثاته
لكن إحنا لسه مجربناش طرق الروت الفعلية على موبيلات مختلفه
لكن هعملكوا شروحات جاية لطرق الروت باستخدام ملفات EFTSU Root Files من البداية للنهاية زى ما اتعودنا فى شروحاتنا
ودة فيديو بالصوت والصورة لكل الخطوات اللى إتكلمنا علية لشرح موقع EFTSU وطريقة تحميل ملفات الروت وتفليشها للموبايل