تحديث Samsung Galaxy Note 4 SM-N910F لاصدار اندرويد 11 وشرح كامل للفلاشات المعدله

 

شرح كامل للفلاشات المعدله والمطبوخه وطريقة تثبيتها على هواتف الاندرويد من البداية للنهاية

بعد تحديثات نظام الاندرويد المتتالية  هتجيلنا موبيلات لبرندات اندرويد مختلفه وقف عنها الدعم والتحديث واغلب الاجهزة دى

 بيكون اخر تحديث رسمى متوفر ليها إما اصدار اندرويد 5 او اصدار اندرويد 6 وبالتالى كل التطبيقات المهمه اللى دايما بنستخدمها 

زى متجر التطبيقات ويوتيوب وفيس بوك ماسنجر وواتس اب وبعض التطبيقات التانية مش هتشتغل على موبيلات الاندرويد

 اللى عليها اصدارات اندرويد 5 او 6 او اصدارات اقل منها وفى الحاله دى العميل ممكن يقدر يستخدم الموبايل فى عمل مكالمات منه

لكن مش هيقدر يستخدمه بشكل طبيعى ويشتغل على بعض التطبيقات  زى متجر التطبيقات ويوتيوب وواتس اب

وهى دى بقى المشكله ... وهنا بقى ييجى دورك كفنى سوفت وير علشان تحل المشكله دى للعميل

وعلشان كدة هنبدأ سلسله فيديوهات وشروحات جديدة مع بعض وهنشرح فيها طرق تحديث اصدارات اجهزة الاندرويد اللى تم وقف التحديثات عنها

عن طريق استخدام الفلاشات المعدله والمطبوخه والشرح والفيديو دة ممكن يكون طويل شوية 

لاننا هنشرح فية كل الخطوات الصحيحه والاساسيات المهمه اللى لازم تكون عندك للتعامل مع الفلاشات المعدله عموما 

وبالتالى الشرح هيكون مفصل علشان تفهم كل حاجة بسهوله وبخطوات بسيطه ولاننا فى الشروحات اللى جاية من السلسه دى

مش هنرجع نشرح كل الاساسيات والخطوات المفصله اللى هنشرحها دلوقتى لكن هنركز اكتر على الملفات المستخدمه 

لكل موديل هنتكلم عنه ... وبالتالى لازم تشوف الفيديو دة للنهاية لو كنت مبتدئ علشان تفهم تدرج الخطوات 

وتعرف بعض المصطلحات المهمه وتعرف الفرق بين الاصدارات المختلفه 

شرح تحديث نوت 4 Samsung Galaxy Note 4 لاصدار Android 11

واول شرح فى السلسه دى هيكون لموبايل   Samsung Galaxy Note 4 برقم موديل SM-N910F



وهنشرح طريقة تحديث سامسونج جلاكسى نوت 4  من اصدار اندرويد 5.1 ودة اخر تحديث رسمى متوفر ليه واحنا هنحدثة لاصدار اندرويد 11 

وهنشرح كل حاجة بخطوات سهله وبسيطه علشان تفهمها

متطلبات العمل


احنا هنحتاج شويه متطلبات بسيطه

1 - ان يكون عندك بعض الخبرة زى ما قولنا

2 -  لازم تتاكد من تطابق رقم موديل الموبايل لان الشرح لموبايل سامسونج نوت 4 ولموديل SM-N910F تحديدا 

وهنتكلم عن باقى الموديلات فى الفيديوهات اللى جاية لان جهاز سامسونج نوت 4 بينزل بموديلات عليها معالجات كوالكوم ومعالجات اكسنوس

3 -  هنحتاج لكارت ميمورى او بطاقه ذاكرة متقلش عن 4 جيجا

4 - هنحتاج لجهاز كمبيوتر وكابل usb

وانك تكون مثبت تعريفات سامسونج عندك على الكمبيوتر وتقدر تحمل كل تعريفات موبيلات الاندرويد من الموضوع التالى


5 - لازم تعرف ان عملية تثبيت الفلاشات المعدله هتحذف اى ملفات او داتا موجودة على ذاكرة الموبايل زى الصور والاسماء والفيديوهات وغيرها

فلو انت محتاج الداتا يبقى خد منها نسخه احتياطية واحفظها عندك  قبل ما تفلش الموبايل باى فلاشات او ملفات معدله

وبس كدة هى دى اهم المتطلبات اللى هنحتاجها

تحميل الملفات المهمه 


1 - تحميل فلاشه سامسونج نوت 4 إصدار اندرويد 11 من الرابط التالى


هذة الفلاشه تصلح لموديلات Samsung Galaxy Note 4 SM-N910F/G/P/R4/T/T3/V/W8

2 - تحميل حزمه تطبيقات جوجل Download Gapps Android 11

3 - تحميل ملف ريكفرى معدل TWRP لجهاز Samsung Galaxy Note 4 SM-N910F

الموقع الرسمى لريكفرى  TeamWin - TWRP



4 - تحميل برنامج اودين Download Samsung Odin3

شرح فيديو لتحديث جلاكسى نوت 4 لاصدار اندرويد 11


والان بعد تحميل الملفات والمتطلبات تابع معانا الفيديو التالى لشرح جميع خطوات تثبيت الفلاشه المعدله على جهاز نوت 4

وتحديثة لاصدار اندرويد 11 من البداية للنهاية وبخطوات سهله وبسيطه


كلمات بحث ذات صله
Galaxy Note 4 Android 11 ROM
Samsung Galaxy Note 4 SM-N910F TWRP Recovery
Install Android 11 on Galaxy Note 4
samsung sm-n910f android 11
Update Samsung SM-N910F to Android
سوفت وير سامسونج نوت 4
تحديث سامسونج نوت 4 لاصدار اندرويد 11
GApps Android 11

تعليقات



حجم الخط
+
16
-
تباعد السطور
+
2
-