مشاكل نسيان رموز قفل الشاشه والباسورد لاجهزة ايفون من أكتر المشاكل اللى ممكن تواجهك وانت بتتعامل مع أجهزة ابل
بالاضافة لمشاكل التهنيج او الريستارت المتكرر او التوقف على وضع الريكفرى فقط بدون تشغيل وإقلاع كامل
وعلشان كدة فى الموضوع دة هنشرح برنامج مخصص للتعامل مع أجهزة ابل سواء كانت iPhone او iPad
وهو برنامج 4uKey ودة احد منتجات شركه Tenorshare وفى الموضوع دة هنعرف كل ما يخص البرنامج بداية من
1 - معرفة تفاصيله وموديلات ايفون وايباد والعمليات المدعومه على برنامج 4UKey
2 - طريقة تثبيت برنامج 4Ukey على الكمبيوتر بطريقة صحيحه وتشغيله
3 - شرح طريقة إستخدام برنامج 4ukey مع مثال عملى كامل على جهاز ايفون
وفى البداية هنروح للموقع الرسمى لبرنامج 4ukey علشان نشوف تفاصيله ودعمه
وتقدروا تحملوا البرنامج من الرابط التالى
Download Tenorshare 4uKey Last Update
وهنا هنلاقى أهم تفاصيل البرنامج والعمليات المدعومه علية والمخصصة لجميع أجهزة أبل
وكل العمليات دى متوافقة مع أخر اصدارات ios المتاحه حاليأ
ولو نزلنا هنا هنلاقى تفاصيل أكتر للعمليات المدعومه على البرنامج وصور توضيحية عن طرق استخدام كل عملية منهم
لكن إحنا اتعودنا اننا نجرب العمليات بنفسنا ... فخلونا نطلع فوق خالص فى بداية الصفحه علشان نحمل البرنامج
ولو انت كنت شغال على جهاز ماك .. فهتلاقى هنا نسخه من البرنامج مخصصة لانظمه MACOS
لكن انا شغال على ويندوز فبالتالى هحمل النسخه المخصصة لانظمه ويندوز والنسخه مساحتها صغيرة جدا حوالى 1 او 2 ميجا
ولما حملنا البرنامج هنضغط علية علشان نثبته وبعدين هنضغط على تثبيت علشان تبدأ عملية تثبيت البرنامج على الكمبيوتر
ولازم خلال العملية دى لازم تكون متصل بالانترنت علشان تكتمل عملية تحميل الملفات المهمه من خلال سيرفر البرنامج
ثم تبدأ بعدها عملية تثبيت البرنامج على الكمبيوتر وهنستنى شوية لحد ما عملية التثبيت تنتهى بنجاح
ولما يخلص تثبيت هنضغط بدء او Start علشان نشغل البرنامج بعد عملية التثبيت
ولما البرنامج يشتغل هيظهر معانا بالشكل اللى فى الصورة دة وهنلاقى هنا كل العمليات المدعومه علية
1 - واولهم عملية الريستور الرئيسية ووظيفتها حذف رموز قفل الشاشه والباسورد والفيس id من جميع أجهزة ايفون وايباد
2 - وتانى عملية وهى عملية حذف رموز وقت مرور الشاشه من الايفون والايباد
3 - وتالت عملية وهى عمل ريستور كامل للايفون والخروج من حسابات apple id بدون وجود كلمه المرور والباسورد
4 - ورابع عملية وهى عملية تخطى حماية MDM من جميع أجهزة iPhone
5 - واخر عملية وهى عملية إسترداد بعض كلمات المرور المحفوظه على الايفون
وهى دى كل العمليات المدعومه على برنامج 4ukey لحد أخر تحديث متوفر للبرنامج على الموقع الرسمى
طيب تمام ... خلونا بقى نجرب ونشوف طريقة إستخدام برنامج Tenorshare 4Ukey
واحنا هنجرب عملية الريستور وحذف رموز قفل الشاشه Face ID وهى العملية الاساسية هنا فى البرنامج
وهنضغط على عملية فتح رمز المرور الخاص بالايفون ... علشان تحولنا للصفحه دى
وهنا بيقولنا ان العملية دى هتحذف اى رموز قفل شاشه وكمان هتحل مشكله الايفون وظهور كلمه غير متاح او ديسابل
بسبب ادخال الباسورد مرات كتير غلط وكمان بيقولنا ان بعد عملية الريستور دى اللايفون هيتحدث لاحدث اصدار ios متوفر له على السيرفر
وخلى بالك من حاجة مهمه وهى ان العملية دى مش هتحذف حساب iCloud الموجود واللى شغال على الايفون
ودلوقتى معانا جهاز ايفون X مقفول بباسورد و Face ID وإحنا عايزين نعمله ريستور ونحذف كل رموز قفل الشاشه اللى علية
ونرجعه لحالته الاصلية بدون رموز قفل شاشه او باسورد فهنوصل الايفون بكابل ال usb على الكمبيوتر وهو مقفول بباسورد زى كدة
ولما الكمبيوتر يتعرف على الايفون المتوصل بالكابل .. هنروح ونضغط على ابدأ فى البرنامج وهيحولنا على الصفحه دى
ولاحظ هنا بمجرد ما وصلنا الايفون بالكابل وحتى وهو مقفول بكلمه مرور فظهرلنا موديل الايفون وانه مدعوم على البرنامج
وكمان ظهرلنا أخر إصدار IOS متوفر للايفون على السيرفر لحد تاريخ الشرح وبشكل اوتوماتيكى وبدون تدخل مننا زى ما شايفين كدة
ودلوقتى لو ملف الريستور متوفر عندنا على الكمبيوتر وكنا محملينه مسبقأ فنقدر نضغط هنا ونختار مكانه ونستوردة على البرنامج
ولو مش موجود فهنلاقى زر هنا لتحميل ملف الريستور مباشرة داخل البرنامج
ولو ضغطنا علية فهيبدأ البرنامج فى تحميل ملف الريستور مباشرة من خلال سيرفر البرنامج
وطبعأ هنستنى شوية لحد ما يتم تحميل ملف الريستور على الكمبيوتر لان حجمه ومساحته كبيرة وممكن ياخد شوية وقت فى التنزيل
ولما يخلص تحميل هنرجع مرة تانية للصفحه اللى كنا فيها واحنا حملنا ملف الريستور عندنا
وهنختار مكان حفظ ملف الريستور على الكمبيوتر ونعمله استيراد على البرنامج ولما نستوردة هنضغط هنا على بدء عملية الازاله
وهنلاحظ ان البرنامج بدء عملية الريستور وبدأ يتحقق من ملف الريستور اللى حملناة ويفك أجزائة
وبعدها هنلاحظ ان البرنامج بدأ فى عملية الريستور وكتابة الملف الجديد وهنلاحظ ان الايفون عمل ريستارت واعادة تشغيل لوضع الريكفرى
وبعدها هيعمل إعادة تشغيل مرة تانية ويظهر لوجو ابل وتحته شريط تقدم عملية الريستور وتثبيت الملفات على الايفون
وطبعأ هنستنى شوية لحد ما عملية الريستور تنتهى لان عمليات الريستور لاجهزة ابل عمومأ ممكن تأخد وقت لحد ما تنتهى
وخلال العملية ى متحاولش تفصل الكابل عن الايفون علشان ميحصلكش مشكله فى الجهاز بسبب عدم إكتمال العملية
وممكن البرنامج يقف شوية على 99% فى المية لكن متقلقش وسيبة شغال ومتقفلوش لحد ماتنتهى العملية على شاشة الايفون
ولحد ما تظهرلنا صفحه نجاح عملية الريستور على البرنامج زى ما شايفين كدة
وبعدها الايفون هيعمل إعادة تشغيل وهيبدأ يثبت ملفات الريستور والسيستم الخاصة بالتحديث والريستور الجديد
وهنستنى شوية لحد ما تكتمل العملية والايفون يعمل إعاددة تشغيل مرة تانية ويفتح معانا على الشاشه الرئيسية
ودلوقتى هنكمل الاعدادات الاولية اللى بتظهر بعد عمليات الريستور زى إختيار اللغه والبلد وتخطى الاعدادات الاولية الاعتيادة
وكمان كتابة حساب اى كلاود المربوط بالايفون فى حاله ان كان علية حساب اى كلاود قبل عملية الريستور
ولما نكمل كل الاعدادات الاولية دى هيشتغل معانا الايفون بدون باسورد او كلمه مرور او Face ID زى ما شايفين كدة
وكمان نكون حدثناة لاخر واحدث اصدار IOS متوفر له على السيرفر ونكون نفذنا العملية بنجاح وكله تمام
وزى ما شوفنا مع بعض فالبرنامج سهل وسريع فى الاستخدام وبنقدر بخطوات معدودة وبسيطه إننا ننفذ علية عمليات مختلفه
وهو بيساعدنا وبيظهرلنا معلومات الايفون واحدث اصدار ios متوفر له وبدون ما نتعب ونبحث عنه على الانترنت ونحمله بشكل منفصل
وبنفس الطريقة دى نقدر ننفذ باقى العمليات المدعومه هنا على برنامج TenorShare 4Ukey
وفى النهاية لو إستفدت من الشرح متنساش تشترك فى قناة اليوتيوب وصفحه فيس بوك الخاصة بجوكر سوفت