شرح طريقة تفليش هواتف وموبيلات كوالكوم بإستخدام UMT Box فى وضع EDL

ليست هناك تعليقات


فى شباب كتير طلبت مننا شروحات للتعامل مع هواتف وموبيلات كوالكوم qualcomm phones
سواء عمليات تفليش او ريبير او تخطى الحمايات زى حسابات جوجل وحسابات شاومى
وقدمنا فيديوهات قبل كدة عن طرق تفليش هواتف موبيلات كوالكوم على برامج مجانية 
ودى بعض المواضيع المهمه لتفليش هواتف كوالكوم وعمل ريبير ليها




والنهاردة هنقدم شرح لتفليش هواتف وموبيلات كوالكوم
 لكن على  واجهه QCFire  الخاصة  ببوكس UMT Box / Ultimate Multi Tool
للتعامل  مع موبيلات  كوالكوم باختلاف موديلاتها
والشرح هيكون على موبايل شاومى ريد مى اس تو Xiaomi Redmi S2
وهنشرح إزاى نفلشه فى وضع EDL  باستخدام البين اوت 
How To Flash Xiaomi Redmi S2 BY UMT Box / UMT Pro
How To Flash Qualcomm Mobile By UMT Box
How to use Ultimate Multi Tool UMT QcFire to flash Qualcomm firmware
متطلبات العمل
اول حاجة هتحمل تعريفات كوالكوم وهتحمل الفلاشه المناسبة للموديل اللى معاك
سواء شاومى Xiaomi او اى موديل  تانى علية معالج كوالكوم QUALCOMM 
 مدعوم على واجهه QCFire  الخاصة ببوكس UMT / Ultimate Multi Tool
وطبعا الموبايل اللى معانا هو شاومى اس تو Xiaomi S2  زى ما قلنا
ودى روابط تعريفات هواتف كوالكوم Qualcomm Phones USB Drivers
xiaomi redmi s2 usb driver
ودى فلاشات هاتف شاومى إس تو Xiaomi Redmi S2 Firmware





بعد كدة هتشغل واجهه البوكس الخاصة بموديلات كوالكوم
واول قايمه هتظهر قدامك هى قايمه التفليش زى ما شايفين كدة 


وهنروح الاول على قايمه  Read & Tools علشان نعمل ريد إينفو للموبايل اللى معانا

ودى القايمه اللى هتلاقي فيها اغلب العمليات المهمه سواء عمليت ريبير او فورمات 
او تخطى حسابات جوجل وحسابات شاومى وغيرها من العمليات المهمه
وهنشرحه اغلب العمليات دى فى الفيديوهات اللى جاية إن شاء الله
ودلوقتى هنختار اسم البراند او الشركه لان البوكس داعم فئات أجهزة كتير
وبعدها هنختار موديل الموبايل اللى معانا وهنضغط على ريد إنفو Read Info


والخطوة الاهم هى اننا ندخل الموبايل فى وضع  EDL Mode علشان نقدر نعمل اى عملية على البوكس

وطبعا بيختلف وضع EDL  من موديل للتانى لان فى موبيلات ممكن تدخل وضع EDL
عن طريق الضغط على مفاتيح الصوت " التوطية والتعلية مع بعض وبعدين توصل كابل ال يو اس بى "
وفى موبيلات مبتدخلش وضع EDL  الا عن طريق توصيل نقط البين اوت الموجودة على البوردة
وبرضو نقط توصيل البين اوت بتختلف من موديل للتانى 
وتقدر تعرفها عن طريق البحث عن صور البين اوت للموديل اللى معاك
 وهتلاقى نتايج بحث كتير سواء مواضيع او فيديوهات


بس لازم تعرف انك علشان توصل البين اوت وتدخل الموبيل وضع EDL Mode

 هتضطر إنك تفتح الموبايل وتفك المسامير فى اغلب الموديلات ... 
فلازم قبلها تكون عارف الموضوع دة وتعرف العميل كمان
علشان ميحصلكش مشكله معاة ويقولك انت  فتحت الموبايل لية
ودى صورة البين اوت للموديل اللى معانا شاومى ريد مى اس تو 
xiaomi redmi s2 pinout
Test Point Xiaomi Redmi S2 EDL Mode


هنوصل النقطتين اللى ظاهرين فى الصورة بالجفت وبعدها هتوصل كابل USB  بالموبايل

ولازم قبلها تكون مثبت التعريفات زى ما قلنا علشان الموبيل يتعرف معانا فى الدفايس مانجر بالشكل دة
Xiaomi Redmi S2 Qualcomm HS-USB QDLoader 9008


ولو التوصيل تمام والتعريفات تمام هنلاحظ ان البرنامج بدأ فى قراية اينفو الموبايل ومعلوماته

واصدار نسخة الاندرويد اللى علية


طبعا هنكون مجهزين الفلاشه بتاعنا وتكون مناسبة للموبايل اللى معاك سواء نفس الاصدار

او اصدار اعلى وحاول انك تبعد عن الاصدارت الاقل والدون جريد لحد ما تاخد خبرة شوية
وبعدها انت بنفسك هتقدر تحدد اية الفلاشه المناسبة  و اللى المفروض تحملها للموبايل اللى معاك
وهنرجع لقايمة التفليش تانى وهنضغط دبل كليك على صندوق التكست اللى قدام Program


علشان يفتحلنا نافذة تانية ونختار منها ملف بروجرام بصيغه" .XML "



الموجود جوة الفلاشه علشان يرتبلنا ملفات الفلاشه على البرنامج بالشكل دة



وملف " rawProgram0 " هتلاقية فى اغلب  فلاشات هواتف وموبيلات كوالكوم

باختلاف الموديلات وبيكون دايما  بصيغة " .XML "
ونادرأ ما هتلاقى فلاشات كوالكوم مفيهاش الملف دة 
زى فلاشة مثلا تكون مسحوبة بالانفينى CM2 Dongle QLM  لان اسم الملف بيكون مختلف 
ودلوقتى بعد ما اختارنا ملفات  الفلاشه هنضغط على فلاش Flash



وهنوصل الموبايل تانى فى وضع EDL Mode عن طريق البين اوت وهنوصل الكابل

وبعدها البرنامج هيتعرف على الموبيل وهتبدأ عملية التفليش وكتابة ملفات الفلاشه الجديدة
وهنستنى لحد ما البرنامج يكتب كل ملفات الفلاشة للنهاية



وبعد ما يخلص تفليش هتلاحظ ان الموبايل خرج من وضع EDL Mode  وبدأ يشحن 



هتفصل كابل اليو اس بى وهتشغل الموبايل وهتستنى لحد ما تتم عملية التهيئة

ودى ممكن تاخد شوية وقت اول مرة بعد عمليات التفليش او الفورمات


وبعدها الموبيل هيفتح وهيشتغل بطريقة طبيعية وبدون مشاكل




ومعلش طولت عليكوا بس احنا اتعودنا اننا بنشرح بالتفصيل وبالخطوات من البداية للنهاية

وطبعا هنعمل فيديوهات جاية لطرق تخطى حسابات جوجل وحسابات شاومى وغيرها
على البوكس فى سلسله  شروحات البوكسات اللى جاية ان شاء الله
وفى الفيديو دة شرح كامل لجميع الخطوات اللى قولنا عليها بالصوت والصورة من البداية للنهاية
تقدر تشوفه على يوتيوب وكمان ممكن تحمله على جهازك لو إحتجته


و لو حابب يوصلك اشعارات بكل الفيديوهات اللى جاية اشترك فى القناة وفعل الجرس
وكمان لو عجبك الفيديو ممكن تعملنا لايك 
إقرأ أيضأ :





ليست هناك تعليقات

إرسال تعليق