U3F1ZWV6ZTIyNzUzMTgyNzcxX0FjdGl2YXRpb24yNTc3NjIxNjk3MDU=

الاصدار الاول لبرنامج J-S Test Point-iSP V1.0

ماهى أداة J-S Test Point iSP وفائدتها لفنيين السوفت وير والهارد وير

 أغلب  فنيين السوفت وير وكمان الهارد وير بيبحثوا بشكل يومى عن صور ISP وصور التيست بوينت لكل موديلات الاندرويد
 زى OPPO , Huawei , Xiaomi , Realme , Samsung وغيرها من موبيلات الاندرويد الحديثة
وفى فنيين مبتدئين ممكن يتوهوا وهما بيبحثوا عن صورة Test Point  او ISP لموديل معين لان فى صور كتير مختلفه ومنها اللى شغال ومنها اللى مش شغال
وعلشان كدة فكرنا إننا نسهل الموضوع على كل الفنيين ونجمع كل صور التيست بوينت وصور ال ISP  الصحيحه لموديلات الاندرويد
 فى برنامج واحد من تصميم فريق جوكر سوفت وهو برنامج Joker-Soft Test Point - iSP 

المميزات الجديدة فى أداة J-S Test Point iSP 


أداة جوكر سوفت الجديدة هتسهل عناء البحث لكل فنيين السوفت وير عن صور التيست بوينت وصور ال ISP  لاغلب الموديلات
ودة الاصدر الاول من برنامج  J-S Test Point ISP وجمعنا فية أغلب صور التيست بوينت وال ISP  الصحيحه من سبورتات البوكسات والدونجلات
 والمواقع المختلفه وكمان صور خاصة من سبورتات مدفوعه ..وفى الاصدار الاول دعمنا أهم 4 براندات عليهم بحث كتير من فنيين السوفت وير
وهما Huawei Test Point , OPPO ISP , Xiaomi Test Point , Realme iSP Point
وسريعأ كدة تعالوا نستعرض أهم مميزات البرنامج والموديلات المدعومه في الاصدار الاول واول براند  معانا هيكون موديلات هواوى لان عليها بحث كتير 
ALL Huawei Test Point 

وفى الاصدار الاول دعمنا صور Huawei Test Point  ل 450 موديل من موبيلات Huawei  علشان نوفر عليكوا عمليات البحث عن صور تيست بوينت صحيحه
وتقدر تختار اى موديل Hawei  من قايمه الموديلات المدعومه فى البرنامج وهتظهرلك صورة التيست بوينت الخاصة بية
وكمان هيظهرلك إسم الموديل كامل علشان تتأكد من الصور الصحيحه للموديل اللى معاك قبل ما تشتغل

ولو الصورة مش واضحه تقدر تقربها وتعمل Zoom  علشان تشوف نقط التيست بوينت بوضوح وبعدها تقدر تحدد صورة الموديل اللى إنت محتاج التيست بوينت لية
وتكمل شغلك على البوكسات وتعمل اى عملية إنت محتاجها سواء حذف FRP وحساب جوجل  او اى عملية ريبير بتحتاج Test Point  لموبيلات Huawei

وطبعأ فى الفترة الاخيرة زاد الطلب على بوكسات الجيتاج زى ال UFI Box  و Easy Jtag علشان حذف رموز الحماية وقفل الهاتف والنمط من موبيلات OPPO الحديثه
وبالتالى هتحتاج لصور OPPO ISP Point   صحيحه علشان تقدر تلحم الوصلات فى البوردة وتكمل شغلك على البوكسات
وعلشان كدة دعمنا صور ISP Point  لاكتر من 90 موديل من موبيلات OPPO  وأهم الموديلات اللى عليها شغل كتير 
ALL OPPO ISP Point

ولو لاحظت هتلاقى فى موديلات OPPO  مكتوب جمبها #1 و #2 وهى صور لنفس الموديل لكن مختلفه فى التصميم والتصوير او من زوايا مختلفه
علشان نسهل الموضوع على الفنيين فى حاله إن فى صور مش واضحه يقدروا يشوفوا الصورة التانية لنفس الموديل ويعرفوا نقط ال isp  الصحيحه


ونروح للبراند التالت اللى معانا وهو أجهزة وموبيلات ريلمى Realme Mobiles وتم دعم صور iSP Point  لاأكترمن  20 موديل من موديلات Realme 
ALL Realme Mobile ISP POINT

وبرضو هتلاقوا صور مكتوب جمبها #1 و #2 لنفس الموديل لكن مختلفه فى التصميم او من بورد وزوايا مختلفه علشان نسهل عليكوا التأكد من نقط ال isp  الصحيحه قبل اللحام

وأخر براند مدعوم معانا فى الاصدار الاول هى صور التيست بوينت  لاجهزة وموديلات Xiaomi
وتم دعم صور التيست بوينت لاكتر من 70 موديل من أهم وأشهر موديلات شاومى الموجودة فى السوق واللى عليها شغل كتير 
All Xiaomi Test Point

وبرضو هتلاقوا صور مختلفه لنفس الموديل علشان تتأكدوا من التيست بوينت الصحيح فى حاله إن فى صورة مش واضحه لمكان التيست بوينت

وكمان ضيفنا بعض الشروحات والفيديوهات المفيدة اللى ممكن تهم بعض السوفتجية لبعض موديلات الاندرويد زى شاومى وهواوى ولينوفو وإينفينكس
ولما تضغط على اى موديل فيهم هيحولك على قايمه تشغيل على قناة جوكر سوفت على اليوتيوب وهتلاقى فيها كل الشروحات اللى تخص الموديل المحدد
زى عمليات التفليش و الريبير وحذف FRRP وحسابات جوجل وكمان عمليات الجيلبريك وتخطى حسابات الايكلاود من أجهزة أبل 


بالاضافة لبعض شروحات العمل على بوكسات السوفت وير المختلفه زى بوكسات ufi و eft و z3x وغيرها من أهم وأشهر البوكسات المنتشرة 
وتقدر تشوف الشروحات والفيديوهات وتستفاد منها او تحملها على جهازك فى حاله إنك ممكن تحتاجها بعد كدة

متطلبات تشغيل أداة J-S Test Point-iSP V1.0

علشان برنامج J-S Test Point-iSP  يشتغل ويتثبت عندك على الكمبيوتر هتحتاج قبلها إنك تكون مثبت حزمه net framework 4.7.2
وطبعأ إحنا دمجناها مع البرنامج وهيتم تثبيتها تلقائيأ قبل تثبيت البرنامج لكن لو إنت كنت مثبت حزمه مايكروسوفت net framework  على جهازك

سواء نسخه 4.7.2 او نسخه أعلى .. فالبتالى مش هتحتاج النسخه اللى مدمجه مع البرنامج

تحميل أداة J-S Test Point-iSP V1.0

علشان كدة هرفعلكوا نسخة من البرنامج مدمج معاها حزمه net framework ونسخه تانية بدون حزمه ميكروسوفت 
تسهيلأ للسوفتجية اللى سرعات النت عندهم ضعيفة 
تحميل برنامج J-S Test Point - ISP مدمج معها حزمه ميكروسوفت net framework  روابط مباشرة

PASSWORD:www.joker-soft.com
تحميل برنامج J-S Test Point - ISP بدون حزمه ميكروسوفت net framework  روابط مباشرة
وفى الفيديو التالى شرح كامل ونظرة عامه على أداة J-S Test Point - ISP وأهم المميزات الموجودة فيها
ودلوقتى أنا طالب منكوا 3 طلبات
واول طلب إنكوا تحملوا البرنامج وتشتغلوا بية وتجربوه وتقولولى تجاربكوا معاه وهل سهل الموضوع عليكوا ولا لا...
 وكمان تقولولى لو فى صور خطأ او مش واضحه فى البرنامج علشان نغيرها او نعدلها .
وتانى طلب إنكوا تساعدونا فى زيادة الموديلات المدعومه بصور صحيحه ومجربة 
يعنى لو حد فيكوا عندة صور Test Point او isp صحيحه ومجربة ومش موجودة فى البرنامج
 يقدر يبعتهالنا فى رساله على مواقع التواصل الموجودة التالية وهنضيفها فى الاصدار التانى مع كتابة إسم صاحب الصورة عليها 
- صفحه جوكر سوفت : www.facebook.com/JokerSoftOfficial
- فاروق الجوكر : www.facebook.com/FarokElGoker
وكمان تقولولى محتاجين  ندعم براندات إية غير اللى موجودة فى الاصدار دة  وإحنا بنجهز الاصدار التانى إن شاء الله 
وتالت طلب إنكوا  تشتركوا فى قناة جوكر سوفت على اليوتيوب وتفعلوا الجرس علشان توصلكوا كل الشروحات الجديدة 
والدعاء لنا بظهر الغيب 

مواضيع هامه ننصحك بقرائتها




الاسمبريد إلكترونيرسالة