recent
اخر المواضيع

شرح مفصل لطريقة معرفه رقم مستوى الحماية لفلاشات سامسونج الحديثة

 

إزاي نعرف رقم إصدار الحماية لفلاشات Samsung الاصدارات الحديثة بعد إصدارات U9 - S9 ؟

لو دخلك موبايل سامسونج مع عميل وفية مشكله ما  ومحتاج يتفلش بفلاشه تانية 

 اول حاجة بتبص عليها هى رقم إصدار مستوى الحماية للفلاشه اللى على الموبايل

وبناء على رقم اصدار الحماية بتقدر بعدها تبحث عن فلاشه مناسبة لموبايل سامسوج اللى معاك

وتحملها من الانترنت وتفلشها للموبايل ... ودى الخطوات العادية اللى كلنا عارفينها

وبالتالى لو معانا موبايل سامسونج وليكن مثلا Samsung Galaxy S20 وعلية فلاشة بالاصدار دة G980FXXU7AUC7

وسألتك وقولتلك اية اصدار مستوى الحماية اللى علية  ؟ طبعا انت هتقولى اصدار الحماية هو U7 

 طيب لو عندنا فلاشات تانية لنفس الموديل باصدارات مختلفه زى كدة

G980FXXU8DUF9

G980FXXS8DUE4

-

وقولتلك اية رقم مستوى الحماية الخاص بالفلاشات دى ؟ طبعا انت هتقولى رقم اصدار مستوى الحماية هو 8

وسواء الحرف اللى قبل رقم مستوى الحماية كان U او S  مش هيفرق معانا كتير رغم ان الافضل دايما اننا نشتغل 

بفلاشات مصنعية تكون بحرف S لانها بتكون مستقرة اكتر  لكن دة مش موضوعنا ومش هيفرق معانا الحرف دلوقتى

المهم عندنا رقم اصدار الحماية .. والفلاشتين باصدار مستوى حماية 8  .... " جمييييل  "... انت كدة شاطر ومذاكر

طيب خلينى اختبرك

لو جبتلك فلاشات تانية لنفس موديل الموبايل زى الفلاشات اللى قدامنا دى

G980FXXSADUH5

G980FXXSCDUJ5

وسألتك إية رقم اصدار مستوى الحماية اللى على الفلاشات دى ؟

ساعتها انت ممكن تتلخبط شوية  وتحاول تبص على الفلاشات تانى علشان تشوف ارقام الحماية اللى كلنا متعودين عليها

لكن مش هتلاقى اى ارقام تدل على رقم اصدار مستوى الحماية زى الفلاشات اللى قبل كدة 

وهتلاقى حروف فقط زى كدة  " SA " " SC " ..طيب ازاى بقى نقدر نحدد رقم مستوى الحماية  ؟

دة اللى هنشرحه بالتفصيل فى الفيديو دة ... علشان تقدر بعد كدة

 تحمل فلاشات لموبيلات وأجهز ةسامسونج الحديثة باصدارات حماية صحيحه

وقولى فى التعليقات .. إزاى بتختاروا اصدارات الحماية لفلاشات سامسونج الحديثة ؟

مواضيع هامه قد تفيديك

تحميل برنامج J-S Mobile Drivers Tool لتعريفات جميع أجهزة الاندرويد 2022


شرح طريقة حذف FRP لهاتف Samsung A10S SM-A107F اندرويد 10


كل ما تريد معرفته عن NCK Box و NCK Dongle وأساسيات التعامل معهم


- إيه أحسن بوكس لاجهزة وموبيلات سامسونج ؟ ولو هشترى بوكس تنصحنى بإية ؟

google-playkhamsatmostaqltradent