النهاردة هنشرح طريقة تفليش وتحديث سامسونج تاب Samsung Galaxy Tab 2 GT-P5100
باستخدام كاستم فيروموير او روم معدل وهنحد ث التابلت لاصدار Android 6 .0.1
لان أخر إصدار اندرويد رسمى متاح للجهاز دة هو إصدار ايس كريم 4.2.2
وطبعا ممكن تحتاج انك تحدث التابلت علشان تضيف المميزات الجديدة الموجودة فى اصدارات الاندرويد الحديثة
او علشان تحل بعض المشاكل اللى ممكن تقابلك زى مشاكل المتجر والتطبيقات وعدم تشغيل تطبيق اليوتيوب
اللى ممكن تشغله ويطلب منك تحديث ولما تدخل على متجر جوجل بلاى متلاقيش تحديثات متوفره
والشرح هيكون على خطوات متتالية بداية من تركيب الريكفرى المعدل
وبعدها تثبيت الروم وتثبيت حزمه تطبيقات جوجل
How To Install Custom SlimRoms for Samsung Galaxy Tab 2 P5100
شرح طريقة تشغيل اليوتيوب على تابلت سامسونج Samsung Galaxy Tab 2 10.1 GT-P5100
خطوات ومتطلبات العمل
1 - يجب شحن الجهاز جيدأ قبل بدء هذة العملية
2 - يجب توفر كابل USB ويفضل أن يكون أصلى
3- تحميل ملف الروم والمتطلبات من الرابط التالى
Slim-espresso3g-6.0.1.build.2.1-STABLE-20170329-1833
open-gapps-arm-6.0-mini
Password//www.joker-soft.com
بعد تحميل فلاشه تابلت سامسونج P5100 إصدار ANDROID 6.0
هتفك الضغط عن الملف بعد تحميله
وهيظهر قدامنا بالشكل دة وهنلاقى فية كل الملفات اللى هنحتاجها
وطبعا لازم تكون مثبت تعريفات سامسونج على جهاز الكمبيوتر قبلها
ولو مش موجودة عندك ممكن تحملها من الرابط التالى وتثبتها
والخطوة اللى بعدها هنحتاج كارت ميمورى SD CARD علشان ننقل علية ملف الروم المعدل وحزمه تطبيقات جوجل
وتقدر تنقل الملفات لكارت الميمورى عن طريق الريدر او ممكن تركبه فى التابلت
وتوصل التابلت بالكمبيوتر وبعدين تنقلهم على الميمورى
وهنستنى لحد ما الملفات تتنقل لكارت الميمورى وهنرجع لملف المتطلبات تانى
وهنقل التابلت باور وهندخل وضع داون لود بالضغط على خفض الصوت + الباور وهنوصل التابلت بالكابل
وهشغل برنامج اودين وهنختار ملف الريكفرى المعدل فى خانه AP
زى ما شايفين كدة وبعدها هنضغط على START علشان يبدأ البرنامج يفلش ملف الريكفرى للتابلت
Install Custom Recovery GT-P5100 philz-touch-recovery
وبعد ما تم تفليش ملف الريكفرى هنقفل برنامج اودين وهنروح للتابلت وهنقفله باور مرة تانية وهندخل على وضع الريكفرى بالضغط على رفع الصوت + البور وهنلاحظ ظهور واجهه الريكفرى المعدل اللى ركبناة
واختفاء واجهه الريكفرى الاصلى للتابلت ومن داخل الريكفرى هنعمل Factory Reset
Wipe Cache/ و / wipe data
وبعدها هنرجع باك وهنضغط على " Install " ومن داخل قائمه Install هنضغط على
Chose zipe from sdcard
وهيظهرلنا الملفات اللى نقلناها على الميمورى وهى ملف الروم وملف حزمه تطبيقات جوجل
هنختار فى البداية ملف الروم علشان نثبته على التابلت
وهنستنى شويه لحد ما يتم تثبت الروم للنهاية وظهور Install Complet
وبعدها هنرجع باك تانى وهنختار ملف حزمه تطبيقات جوجل بنفس الطريقة وهنثبته
وبرضو هنستنى شويه لحد ما يتم تثبيت حزمه تطبيقات جوجل للنهاية
وبعدها هنرجع باك وهنضغط على Reboot System
علشان نعيد تشغيل التابلت بعد تثبيت الملفات
وهنستنى لحد ما التابلت يشتغل ويعمل تهيئه للملفات والتطبيقات
وعملية التهيئه ممكن تاخد شويه وقت
وبعد تهيئه التابلت هتظهر معانا القائمه الرئيسيه وهنختار منها اللغه وهنضغط على التالى ونكمل خطوات التفعيل
وبعدها هيتم تشغيل التابلت بنجاح وبدون مشاكل مع تطبيقات جوجل
زى يوتيوب وتطبيق مابس وهانج اوت وجوجل بلاس وغيرها
وبكدة قدرنا نحدث التابلت لاصدار مارشميلو 6 بنجاح وبدون مشاكل وتقدر تستخدم كل المميزات والاضافات الموجودة
فى تحديث مارشميلو 6 وكمان تقدر تحمل كل التطبيقات اللى هتحتاجها من متجر جوجل بلاى بدون مشاكل
وفى الفيديو الكامل شرح جميع الخطوات من البداية للنهاية بالصوت والصورة
وتقدر تشوفه على يوتيوب وكمان تقدر تحمله على جهازك
وطبعا لو استفدت من الشرح اشترك معانا فى القناه وفعل زر التنبيهات علشان توصلك اشعارات
بالفيديوهات والشروحات الجديدة